Бес ойын қатарынан ұтылған "Челси" 114 жыл бұрынғы антирекордын қайталады

Футболдан ағылшын премьер-лигасының 33-турында "Брайтон" "Челсиді" 3:0 есебімен ойсырата ұтты, деп хабарлайды Vesti.kz. 

"Американ Экспресс" стадионында өткен матчта алаң иелері сапында Ферди Кадиоглу (3-минут), Джек Хиншелвуд (56-минут) және Дэнни Уэлбек (90+1-минут) гол соқты. 

"Брайтон" 50 ұпай жинап, турнир кестесінде 6-орынға көтерілді. Осылайша, олар 48 ұпайы бар лондондық "Челси" клубын 7-сатыға ығыстырды.

Айта кетейік, "Челси" АПЛ-де қатарынан бес матчта жеңіліп, бірде-бір гол соға алмады. Бұл клуб тарихындағы 1912 жылдан бергі қайталанған антирекорд.

Соңғы турларда "Челси" мына командаларға есе жіберді:

• Ньюкасл Юнайтед (0:1)
• Эвертон (0:3)
• Манчестер Сити (0:3)
• Манчестер Юнайтед (0:1)