Бензема паненка стилінде пенальти соқты

Карим Бензема Чемпиондар Лигасының жартылай финалында "Манчестер Сити" қақпасына паненка стилінде гол соқты, деп хабарлайды Vesti.kz тілшісі.

Франция құрамасының шабуылшысы аталмыш матчта дубль авторы атанды. Ал ойын 4:3 есебімен ағылшын командасының пайдасына аяқталды. Бензема 82-минутта Эдерсон қақпасына қарай орындаған 11 метрлік айып добын керемет орындады. Салқынқандылық танытқан француз ойыншысы есеп айырмасын қысқартты.

Осылайша, ол "Реал" сапында барлық жарысты қоса алғанда 600-кездесуін өткізді. Соның ішінде Чемпиондар Лигасында 139 кездесуінде 85 голын соқты.

Енді қарымта матч 4 мамыр күні Испанияда өтеді.