"Реал" шабуылшысы, "Алтын доп – 2022" жеңімпазы Кәрім Бензема финалға шыққан Франция құрамасының сапында алаңға шығуы мүмкін, деп жазады AS.
Белгілі болғандай форвард жарақатына байланысты Қатардағы әлем чемпионатында командасының сапында өнер көрсете алмады. Қазіргі таңда мадридтік клуб футболшы қаласа, Қатарға барып ұлттық құрамасына қосылуына мүмкіндік беріп отыр.
Еске салайық, турнирдің финалында Франция мен Аргентина командалары кездеседі. Финал 18 желтоқсанға жоспарланған.