"Реал" шабуылшысы Карим Бензема ПСЖ форварды Лионель Мессидің рекордын қайталады, деп хабарлайды Vesti.kz.
Бензема Чемпиондар лигасы 1/8 финалындағы "Ливерпульмен" матчте (5:2) дубль жасады. Осылайша, шабуылшы осы турнирде қатарынан 18 жыл гол салып келеді. Мұның алдында мұндайға Месси ғана жеткен еді. Екі футболшы да Чемпиондар лигасында 2005/06 жылғы маусымынан бері гол салып жүр.
Бұл Бенземаның Чемпиондар лигасының биылғы маусымындағы алғашқы голдары.
Енді "Реал" мен "Ливерпуль" арасындағы қарымта матч 15 наурыз Мадридтегі "Сантьягу Бернабнеу" стадионында өтеді.