Ұлттар лигасының жартылай финалында Франция құрамасы Бельгияны ұтты, деп хабарлайды Vesti.kz. Италияның Турин қаласында өткен кездесу 3:2 есебімен аяқталды.
Бірінші таймда Бельгия 2:0 есебімен алда болған. 37-минутта Янник Карраско, ал 40-минутта Ромелу Лукаку гол салған еді.
Үзілістен кейін франциялықтар алға шықты. Алдымен 62-минутта Карим Бензема гол соқты, жеті минуттан кейін Килиан Мбаппе пенальтиден есепті теңестірді, ал 90-минутта Тео Ернандес матч нүктесін қойды.
Ұлттар лигасының финалында Франция Испаниямен ойнайды. Бұл кездесу 10 қазан Миланда өтеді. Осы күні Туринде Бельгия мен Италия үшінші орынға таласады