Молдовада маусым алды өтетін FMF әйелдер кубогындағы "Чобручи" мен "Максимум" командалары арасындағы матчте футболшылар арасында төбелес болды, - деп хабарлайды
"Чемпионат".
Матч кезінде қыздар бір-біріне құрметсіздікпен ойнап, артынша төбелесіп кетеді. Бір футболшы қыз екіншісін баспен ұрады, ал ол қарымтасына тіземен іштен тепкен.
Командаластары жұлысқан қыздарды ажыратады да, төреші екеуіне де қызыл қағаз көрсетіп, алаңнан қуды.
Бұл кездесуде 2:1 есебімен "Чобручи" жеңіске жетті. Финалда команда "Агариста CSF" клубымен ойнайды. Матч 30 тамызға белгіленген.