18 жастағы испаниялық жартылай қорғаушы Дро Фернандес алғаш рет "Пари Сен-Жермен" клубының негізгі құрамында алаңға шықты. Ол Франция чемпионатының 23-туры аясында "Мец" командасына қарсы кездесуде (3:0) 63 минут ойнады, деп хабарлайды Vesti.kz.
Бұрын Барселона сапында өнер көрсеткен футболшы шабуыл шебіндегі үштік - Бредли Барколя, Дезире Дуэ және Гонсалу Рамуштың артында ойнап, команданың шабуылдық әрекеттеріне белсенді қатысты.
"Мен мұнда ойнау үшін келдім"Матчтан кейін Фернандес өз әсерін айтты:
"Өзімді жақсы сезінемін, біртіндеп дамып келемін. Мен мұнда ойнау, көбірек ойын тәжірибесін жинау және қарқынға бейімделу үшін келдім. Команданың жеңісіне өте қуаныштымын".
El Nacional басылымының мәліметінше, бұл сөздер "Барселона" клубы мен оның бас бапкері Ханси Фликке бағытталған ишара ретінде қабылданған. Себебі жас ойыншы каталондық клубта тұрақты ойын тәжірибесіне жете алмай келген.
Фернандес Франция чемпионатының деңгейі оның күткенінен де жоғары екенін атап өтті:"Әр матч - мықты әрі қатаң қарсыластармен тартыс. Табысқа жету үшін әлі де көп жұмыс істеуім керек".
ПСЖ бас бапкері Луис Энрике жас талантқа сенім артып, негізгі құрамнан орын берді. Алайда алдағы уақытта, әсіресе Чемпиондар лигасындағы күрделі матчтарда осылай болып қала ма әзірге белгісіз.
Испаниямен салыстырғанда көбірек мүмкіндік"Мецке" қарсы ойында өткізген 63 минутты қоса алғанда, Фернандес ПСЖ сапында 97 минут алаңда болды. Ал Испания чемпионатында "Барселона" құрамында ол небәрі 89 минут ойнаған (төрт матч). Сонымен қатар, Испания кубогы мен Суперкубок ойындарына қатыспауы да оның клубтан кету шешіміне әсер еткен.
Бұған дейін Фернандес 12 қаңтарда кәмелет жасына толған соң "Барселонамен" келісімшартын ұзартуы тиіс болғаны хабарланған еді. Алайда 26 қаңтарда ол ПСЖ-мен 2030 жылға дейін келісімшартқа қол қойды. Париждік клуб каталондықтармен қарым-қатынасты ушықтырмас үшін трансферге 8,2 миллион еуро төледі. Ал каталондықтардың жанкүйерлері бұл шешімді сатқындық ретінде қабылдады.