«Барселонаның» бас бапкері Ханс-Дитер Фликке қатысты дисквалификация күшінде қалды. Неміс маманы 10-турда өтетін мадридтік «Реалға» қарсы ойынға қатыспайды, деп хабарлайды AS басылымына сілтеме жасаған Vesti.kz.
Дереккөздің хабарлауынша, Испания корольдік футбол федерациясының (RFEF) тәртіптік комитеті «Барселона» клубы жіберген апелляцияны қабылдамаған.
Ханс-Дитер Флик Ла Лиганың 9-туры аясында «Жиронаға» (2:1) қарсы өткен кездесуде ерсі әрекеті үшін алаңнан қуылған болатын.
"Реал" мен "Барселона" арасындағы "Эль-Класико" 26 қазан күні өтеді.
Айта кетейік, қазіргі уақытта Испания чемпионатының турнирлік кестесінде мадридтік «Реал» көш бастап тұр. «Корольдік клуб» екінші орында келе жатқан «Барселонадан» екі ұпайға алда.