"Барселона" президенті Мессидің оралуы жайлы талқыға соңғы нүктені қойды

"Барселона" клубының президенті Жоан Лапорта Лионель Мессидің командаға қайта оралуына шынайы негіз жоқ екенін аңғартты, деп хабарлайды Vesti.kz.

"Лео Мессидің ойыншы ретінде оралуы - мүлде қиыспайды. Қазіргі уақытта оның "Интер Майами" клубымен келісімшарты бар.

Клуб қазіргі уақыт пен болашаққа бағытталған жобаны құрып жатыр. Бұл - қиын процесс, әрі өткенге байланып қалсақ, алға жылжу да қиын", - деп жазды журналист Фабрицио Романо X әлеуметтік желісіндегі парақшасында Лапортаның сөзін.

?❌ Barça president Laporta: “Leo Messi’s return as a player is something just not realistic. As of now, he has a contract with Inter Miami”.

“The club is building a project for the present and future. It's complicated, and if you live in the past you hardly move forward”. pic.twitter.com/BHmeLiPeri

— Fabrizio Romano (@FabrizioRomano) November 20, 2025

Айта кетейік, аргентиналық футболшы каталондық клубпен 2021 жылдың тамызында қоштасып, кейін мансабын Францияның ПСЖ командасында жалғастырды. Ал 2023 жылдан бері ол МЛС-те "Интер Майами" клубының намысын қорғап келеді.