Фелипе Коутиньо келесі маусымда Англия чемпионатында доп тепкісі келеді. Бұл туралы The Daily Mirror басылымы жазды.
Келісімшарты "Барселонаға" тиесілі ойыншы бұл күндері "Астон Вилла" сапында жалда жүр. Бразилиялық вингер каталондық клубқа дейін "Ливерпуль" командасының намысын қорғаған. Ал бирмингемдік ұжымға ауысуына оның "Ливерпульдегі" бұрынғы командаласы Стивен Джеррард (ред. "Астон Вилла" бас бапкері) ықпал етті.
Еске салайық, Тұманды Альбионға ауысқалы Коутиньо 12 матчта 4 гол соқты. Футболшының қазіргі сәттегі трансферлік құны 20 миллион еуро.