Испания құрамасының бас бапкері Луис де ла Фуэнте 2026 жылғы әлем чемпионатына қатысатын ұлттық команданың капитандарын таңдауға қатысты ойын айтып, бұрынғы көшбасшылар Дани Карвахаль мен Альваро Моратаның не себепті тізімге енбегенін түсіндірді, деп хабарлайды Vesti.kz.
Испания құрамасының жаңа капитандары"Қызыл фурия" бапкері мундиаль кезінде капитандық міндетті Родри Эрнандес ("Манчестер Сити"), Унай Симон ("Атлетик" Бильбао), Микель Оярсабаль ("Реал Сосьедад") және Дани Ольмо ("Барселона") атқаратынын растады.
Де ла Фуэнтенің айтуынша, командадағы буын ауысуы сабырлы жағдайда өткен және жаттықтырушылар штабы жаңа капитандарға толық сенім артады.
"Біз сабырлымыз. Родри, Оярсабаль, Унай Симон және Ольмо - капитандар, командаға үлкен ықпал ететін төрт ойыншы. Бізде өте мықты капитандар тобы қалыптасты. Олар бұрынғы капитандардың мұрасын жалғастырады. Олар нағыз көшбасшылар, олар команданы күшейте түседі.
Дани мен Альваро туралы да бірнеше сөз айтқым келеді. Олар біз үшін өте маңызды тұлғалар болды және болашақта да солай болады деп сенемін. Олар асқақ мінездің, даралықтың және көшбасшылықтың өшпес ізін қалдырды. Бірақ қазіргі капитандар буыны да толық дайын", - деп келтіреді маманның сөзін Marca.
Испанияның 2026 жылғы ӘЧ-дегі міндетіӘлем чемпионатының топтық кезеңінде Испания құрамасы Кабо-Верде (15 маусым), Сауд Арабиясы (21 маусым) және Уругвайға (27 маусым) қарсы ойнайды.
Турнир алдында испандар Иракпен (4 маусым) және Перумен (9 маусым) жолдастық кездесулер өткізеді.
2026 жылғы әлем чемпионаты 11 маусым мен 19 шілде аралығында АҚШ, Канада және Мексикада өтеді. Тарихта алғаш рет мундиальді бірден үш мемлекет қабылдайды.