Кәрі құрлықтың басты футбол додасы саналатын Чемпиондар лигасының 4-туры тартысқа толы болды. Солардың ішінде "Барселона" мен "Интер" арасындағы матчты айтуға болады, деп хабарлайды Vesti.kz тілшісі.
"Камп Ноудағы" кездесуде "блаугранаға" тек қана жеңіс қажет болды. Сол кезде ғана плей-офф раундына шығу мүмкіндігі артар еді.
Алайда 6 гол соғылған ойында жеңімпаз анықталмады. Бірінші таймда Усман Дембеле (40-минут) есеп ашса, үзілістен кейін Николо Барела таразы басын теңестірді. Тіпті 63-минутта Лаутаро Мартинес қонақтардың екінші голын салды. Тек матчтың 82-минутында Роберт Левандовски есепті теңестіруге шамасы жетті.
Кездесудің 89-минутында "Интерден" Робин Госенс гол салды. Дейтұрғанымен төрешінің қосқан қосымша минутында Роберт Левандовски дубль жасады.
Енді С тобында "Бавария" 12 ұпаймен көш бастаса, "Интер" 7, "Барселона" 4 және "Виктория" (Пльзень) клубтары жайғасқан.
Енді 5-тур ойындары 26 қазан күні өтеді.