G квартетінің кездесуі "Камп Ноу" стадионында өтіп, 5:1 есебімен аяқталды. Жеңімпаздар сапында Лионель Месси (27-ші минут, пенальти), Ансу Фати (42), Филиппе Коутиньо (52), Педри (82) және Усман Дембеле (89-шы минутта) гол салды. Жеңілген командадан Игорь Харатин 70-ші минутта пенальтиден бір гол соқты.
Каталондық клуб Жерар Пике алаңнан қуылғаннан кейін 68-ші минуттан бастап азшылықта ойнағанын айта кетейік.
"Ференцварош" сапында "Кайраттың" бұрынғы жартылай қорғаушысы Исаэль Барбоза ойнады. 32 жастағы бразилиялық алматылық клубта бес маусым ойнаған (2014-2018) және команда тарихындағы ең мықты легионерлердің бірі саналады 155 матчте 38 гол.
Чемпиондар лигасының келесі ойындары 28 қазанда. Бұл күні "Ювентус" - "Барселона" және "Ференцварош" - "Динамо" (Киев) кездеседі.