Каталониялық "Барселона" Мадридтің "Атлетико" клубы мен Аргентина құрамасының шабуылшысы Хулиан Альваресті өз қатарына қосу әрекетін жалғастырып жатыр, деп хабарлайды Vesti.kz.
"Барселона" ұсынысын арттырдыЖурналист Санти Овальенің мәліметінше, каталониялық клуб аргентиналық шабуылшы үшін ұсынысын 130 миллион еуроға дейін көтеруге дайын.
Осылайша, "Барселона" өзінің басты қарсыластарының бірін негізгі ойыншыларының бірін сатуға көндіруге үміттеніп отыр.
"Атлетико" өз ұстанымынан таймайдыДегенмен, "Барселонаның" трансферлік ұсынысты едәуір арттыруға дайын болғанына қарамастан, "Атлетико" басшылығы өз шешімін өзгертпеген.
Дереккөздің хабарлауынша, мадридтік клуб қатаң ұстанымда қалып отыр және Хулиан Альваресті "Камп Ноуға" жіберуді қаламайды. Бұл шешімге футболшының өзі Каталонияға ауысуға ниетті болғаны да әсер етпеген.
Еске салайық, бұған дейін "Барселонаның" 100 миллион еуролық алғашқы ұсынысы қабылданбаған еді.
Альварестің көрсеткішіХулиан Альварес "Атлетико" сапына 2024 жылдың жазында Англияның "Манчестер Сити" клубынан 75 миллион еуроға ауысқан.
Өткен маусымда аргентиналық шабуылшы барлық турнирде 49 матч өткізіп, 20 гол соғып, тоғыз нәтижелі пас берді. Ол Диего Симеоне жаттықтыратын команданың негізгі ойыншыларының біріне айналды.
Transfermarkt порталының мәліметінше, 26 жастағы шабуылшының нарықтық құны 120 миллион еуроға бағаланады.