Нидерланды құрамасының жартылай қорғаушысы Френки де Йонг қысқы трансферлік кезеңде каталондық "Барселонадан" кетуі мүмкін, деп хабарлайды Vesti.kz.
"Барселона" де Йонгқа сатып алушы іздеп жатыр
De Telegraaf мәліметінше, "Барселона" басшылығы 29 жастағы нидерландтық футболшының трансферінен 50 миллион алуды көздеп отыр. Сонымен қатар келісімшартта тағы 15 миллион еуро көлемінде бонус қарастырылуы мүмкін.
"Барселонаның" спорт директоры Деку мен клуб президенті Жоан Лапорта де Йонгқа жаңа команда іздеумен айналысып жатыр. Каталондықтар футболшыға Англия Премьер-лигасы (АПЛ) клубтары немесе Сауд Арабиясы өкілдері қызығушылық танытады деп үміттенуде.
Сонымен қатар де Йонг осы маусымда әзірге бірде-бір матчқа қатысқан жоқ. Жартылай қорғаушы 2026 жылғы әлем чемпионаты кезінде алған жарақатынан кейін қалпына келуін жалғастырып жатыр.
Де Йонг "Барселонада" жеті жыл өнер көрсетті
Де Йонг 2019 жылдың жазында амстердамдық "Аякстан" "Барселонаға" ауысты. Каталондық клуб оның трансфері үшін 86 миллион еуро төледі.
"Барселона" сапындағы жылдарында нидерландтық футболшы команданың негізгі ойыншыларының біріне айналып, капитандардың бірі болды. Алайда де Йонг Каталонияда жиі жарақат алып, көптеген матчты өткізіп алуға мәжбүр болды.
Енді "Барселона" футболшымен жеті жылдан кейін қоштасуға дайын. Каталондық клуб де Йонгтың трансферінен бонус қоса есептегенде жалпы 65 миллион еуро пайда түседі деп күтуде.
Жарнама