Каталондық "Барселона" "Манчестер Юнайтедтің" жас таланты Джей-Джей Габриэльді қатарға қосу үшін әрекетке көшті, деп хабарлайды Vesti.kz.
"Барселона" 16 жастағы вундеркиндті көздеп отырThe Touchline мәліметінше, испаниялық клуб "қызыл сойқандардың" қосалқы командасында өнер көрсететін 16 жастағы ағылшын футболшысына келісімшарт ұсынған.
"Көк-анарлылар" жас ойыншыға жылына 2 миллион еуро төлеуге дайын. Сонымен қатар келісімде қол қою бонусы мен сәтті ойын көрсеткені үшін берілетін сыйақылар қарастырылған.
Жас талант үшін күресГабриэльге мадридтік "Реал" да қызығушылық танытып отыр. Корольдік клуб футболшыға тиімді шарттар ұсынған.
Бұдан бөлек, Мюнхеннің "Бавариясы" да жас ойыншыны қатарына қосуға ниетті. Неміс клубы ықтимал трансфер бойынша алдын ала келіссөздер жүргізіп үлгерген.
Габриэльдің "Манчестер Юнайтедтен" көңілі қалдыЕске салайық, Габриэль "Манчестер Юнайтедтен" кетуге шешім қабылдаған. Бұған өз клубынан көңілі қалуы себеп болған. Футболшының өзі мен оның айналасындағылар Испанияға көшуді қалайды.
Егер ойыншы басқа клубпен келісімшартқа отырса, ағылшын клубы сотқа жүгіну мүмкіндігін қарастырып жатыр.
Осы маусымда Габриэль "Манчестер Юнайтедтің" жасөспірімдер командасы сапында үш матчқа қатысып, бес гол соқты және екі нәтижелі пас берді.