Қазақстанның U19 құрамасының бас бапкері Кирилл Кекер 2026 жылғы Еуропа чемпионатына іріктеудегі жеңісті матчтің қорытындысын айтты. Бұл ойында қазақстандықтар Ирландия құрамасын 1:0 есебімен ұтты, деп хабарлайды Vesti.kz КФФ баспасөз қызметіне сілтеме жасап.
1-топтағы кездесу Нидерландта өтті.
"Көңіл-күйіміз өте жақсы. Құттықтағандарыңызға рахмет. Кеше U17 құрамасы жақсы бастама көрсетті, иә, және жігіттерге үлкен мотивация берді – үлкен командалармен ойнауға, жеңіске жетуге болатынын дәлелдеді. Бүгін жігіттер өте жақсы ойнады, оларға алғыс айтамын. Бізде бастапқы жоспар болған, және сол жоспарды ұстандық.
Мен жігіттермен мақтанамын, себебі біздің командаларымыз еуропалық қарсыластармен көптен бері мұндай басымдықпен ойнаған жоқ. Бүгін біз қорғанысқа емес, батыл шабуылға бағытталған ойынды көрсеттік. Екінші таймда көптеген мүмкіндіктер жасадық, есеп бұдан да ірі болуы керек еді.
Не өзгерттік десеңіз? Бірінші таймда жақсы жоспар, жақсы идея болды, бірақ турнирдің алдындағы толқу мен күту әсер еткен сияқты. Әр ойыншы келесі кезеңге өте алатынымызға, жеңіске жететінімізге сенді. Сол себепті эмоция көп болды, кей сәттерде қалаған ойынды көрсете алмадық.
Бірақ менің ойымша, біз дұрыс бағытта келе жатырмыз. Бүгін кішкентай қадам жасадық. Алда екі өте маңызды матч бар. Келесі ойын Голландиямен екі күннен кейін өтеді. Қазір ең бастысы – дұрыс қалпына келу және дайындалу. Уақыт аз болса да, біз тек жеңіске сенеміз және алға жылжуға ниеттіміз", – деді маман.
Келесі турда, 15 қараша күні Қазақстан құрамасы іріктеу кезеңін өткізіп жатқан Нидерландымен кездеседі, ал 18 қарашада Кипр құрамасымен ойнайды.
Жарнама