Әзірбайжандық клубтың испаниялық шабуылшысы "Жетісуға" ауысудан бас тартты

Әзірбайжандық "Нефтчи" футбол клубының шабуылшысы Даниэль Сеговия талдықорғандық "Жетісу" командасында өзін сынап көрді, - деп хабарлайды Vesti.kz.

Испаниялық футболшы түркиялық "Сивасспор" және ресейлік "Луч-Энергии" командаларына қарсы ойынға да қатысты. Бұл ойындарда ол гол салмады. "Жетісу" ойыншыны өз сапында қалдыруға ниет білдірген еді, алайда, Сеговия команда құрамына өтуден бас тартқан. 

Даниэль Сеговия отанында "Атлетико Балеарес", "Райо Вальекано", "Фуэнлабрада", "Альхесирас" және "Сарагосу Б" сияқты командалар үшін екінші және үшінші дивизионда ойнаған. Осыдан кейін ол Аустрияға ауысып, "Санкт-Пельтен", "Вольфсберг" және "Адмиру" клубтарының сапында жоғары дивизион және алғашқы лигада ойын көрсетті. Осы елде жүріп, форвард әзірбайжандық клуб селекционерлерінің көзіне түседі. 

Әзірбайжан чемпионатының өткен маусымында Сеговия бес гол салса, биылғы маусымда алты матчта ғана ойнап, қақпаға бірде-бір доп салмапты.