Көзінің тірісінде аңызға айналған Диего Марадонаның 1986 жылы жылғы әлем чемпионатында киген жейдесі сатылды, деп жазады "Р-Спорт".
Sotheby's аукцион үйіндегі онлайн сатылымда футболшының жейдесі 9,3 миллион еуроға бағаланды.
Бір қызығы бұл футболка 35 жыл бойы Англия құрамасының экс-жартылай қорғаушысы Стив Ходждың үйінде болған екен. Сол матчтан кейін қос ойыншы бір-бірімен естелік үшін жейде ауысқан.
Осылайша, спорт әлемінде тұңғыш рет жейде рекордтық көрсеткішке сатылғанын айта кеткен жөн. Осыған дейін "Нью-Йорк Янкис" бейсбол клубының ойыншысы Бэйб Рутаның футболкасы 2019 жылы 5,6 миллион еуроға бағаланған еді.
Еске салайық, 1986 жылы турнирдің 1/4 финалында Аргентина ағылшын құрамасын 2:1 есебімен ұтқан еді. Оңтүстік америкалықтар сапында Марадона дубль авторы атанды.