Алматылық "Қайрат" футзал командасының қорғаушысы Дәурен Нұрғожин ауыр жарақатынан айығып, қатарға қайта қосылды, деп жазады Vesti.kz тілшісі.
Дәурен Нұрғожин өткен жылы Литвадаға әлем чемпионатынан кейін операция жасатқан еді. Сондықтан да ол Қазақстан құрамасымен Нидерландыда өткен Еуропа чемпионатына қатыса алмады.
Одан бөлек, Нұрғожин "Қайрат" командасына ішкі чемпионатта және Чемпиондар лигасында көмектеспеді.
Өткен аптада 31 жастағы ойыншы жарақатынан толық айығып, 202 күннен кейін ойынға шықты. Ол "Каспийге" қарсы ойынға қатысты.
Айта кетейік, жуырда "Қайрат" командасы қорғаушымен 2024 жылғы маусымның соңына дейін жаңа келісімшарт жасаған болатын.