Атырауда футболшыны ұрған төрешінің әрекетіне УЕФА мен ФИФА баға береді
Пікірлер
blog.share
Қазақстанның футболдан бірінші турниріндегі "Атырау" - "Шахтер" матчының бас арбитрі Арман Ісмұратов "мұнайшылардың" жартылай қорғаушысы Сәбит Тастанбековті трибуна астындағы бөлмеде ұрғаны үшін жұмысынан шеттетілді. Бұл туралы ҚФФ ресми сайтында мәлімделді, - деп хабарлайды Vesti.kz.
Қазақстанның футболдан бірінші турниріндегі "Атырау" - "Шахтер" матчының бас арбитрі Арман Ісмұратов "мұнайшылардың" жартылай қорғаушысы Сәбит Тастанбековті трибуна астындағы бөлмеде ұрғаны үшін жұмысынан шеттетілді. Бұл туралы ҚФФ ресми сайтында мәлімделді, - деп хабарлайды Vesti.kz.
Жанжал 13 наурызда Атырауда өткен ойыннан кейін болған. Бастапқыда трибуна астындағы бөлмеде Тастанбеков бас арбитрге қол көтерді деген ақпарат тараған. Алайда кейін оқиғаның видеосы пайда болды, онда Ісмұратов футболшыны ұрғаны көрінеді.
Оқиғаға қатысты ҚФФ Төрешілік пен тексеріс департаментінің директоры Сергей Кенетаев пікір білдірді.
"Қазақстан футбол федерациясы төрешілік комитетінің отырысы өтті, онда Атырау қаласындағы стадионның трибуна астындағы бөлмесінде болған оқиға қаралды. Мұнда Қазақстанның OLIMPBET-чемпионатының І турының матчы өткен, "Атырау" мен "Шахтер" ойнаған. Комитет мүшелері бұл оқиға бойынша барлық қажет материалды алды. Оларды бағалау үшін ФИФА мен УЕФА Төрешілер комитетіне жолдауға шешім жасалды. Бұған дейін арбитр Арман Ісмұратов төрешіліктен шеттетілген", - дейді Кенетаев.
Жарнама