Мадридтік "Атлетико" футболдан Испания чемпионатының 30-шы турында "Бетиспен" тең түсті,- деп хабарлайды Vesti.kz.
Севильяда өткен кездесу 1:1 есебімен аяқталды. Бірінші голды алаң қонақтарынан Янник Карраско бесінші минутта салды. Алаң иелерінен Кристиан Тельо 20-шы минутта есепті теңестірді.
Осылайша, мадридтік команда қатарынан екінші матч жеңіске жете алмады (өткен тур "Севильямен" - 0:1). Енді турнир кестесінде екінші келе жатқан "Реалмен" ұпай айырмашылығы бір балл ғана, ал үшінші тұрған "Барселонамен" екі ұпай.
18 сәуірдегі келесі турда "Атлетико" өз алаңында "Эйбарды" қабылдайды, ал "Бетис" өз алаңында "Валенсиямен" ойнайды.