Бүгін 13 сәуірден 14-не қараған түні Чемпиондар лигасы 1/4 финалының тағы екі матчі өтеді, деп хабарлайды Vesti.kz.
"Атлетико" өз алаңында "Манчестер Ситимен" ойнайды. Бірінші ойында ағылшындар ұтқан еді (1:0). Бұл матчті Qazsport арнасынан тамашалай аласыз. Басталуы 01:00. Трансляция телеарнаның ресми сайтында да қолжетімді.
Өзге кездесуде "Ливерпуль" өз алаңында "Бенфиканы" қабылдайды (01:00). Бірінші ойында АПЛ командасы ұтқан - 3:1. Бұл матчті Qazaqstan арнасынан көре аласыз.
Еске салайық, мұның алдында ЧЛ жартылай финалына "Реал" мен "Вильярреал" өтті.