"Атлетик" Испания суперкубогынан "Реалды" шығарып тастап сенсация жасады

Бильбаолық "Атлетикодан" ұтылған "Реал" футболдан Испания суперкубогының финалына шыға алмады, деп хабарлайды Vesti.kz.

Малагадағы "Ла Росаледа" стадионында өткен ойын Марселино Гарсия жаттықтыратын команданың пайдасына 2:1 есебімен аяқталды. Жеңімпаздар сапында Рауль Гарсия 18 және 38-ші минутта дубль жасады, екіншісі пенальти. Мадридтіктерден 73-ші минутта Карим Бензема бір гол соқты.

Осылайша, "Атлетик" финалда "Барселонамен" ойнайды.  Матч 18 қаңтар Севильяда өтеді.