Бүгін, 24 шілдеде елордалық "Астана" 2025/26 маусымындағы еурокубоктық жолын бастайды, деп хабарлайды Vesti.kz.
Григорий Бабаян жаттықтыратын команда Конференциялар лигасының екінші іріктеу кезеңі аясында Молдованың "Зимбру" клубымен өз алаңында ойнайды.
Кездесу "Астана Арена" стадионында өтеді және сағат 19:00-де басталады. Матчтың тікелей көрсетілімі Qazsport телеарнасында қолжетімді, трансляцияның басталуы 18:50.
Конференциялар лигасындағы "Астана" – "Зимбру" матчіне трансляция
Бұл ойын "Зимбру" үшін де, "Астана" үшін де биылғы еурокубоктардағы алғашқы кездесу болмақ.
Қарымта ойын 31 шілде күні Кишинев қаласында өтеді.
Айта кетейік, бұл жұптың жеңімпазы үшінші іріктеу кезеңінде Солтүстік Македониялық "Вардар" мен швейцариялық "Лозанна" арасындағы жеңімпазбен кездеседі.
Жарнама