Беларусь құрамасы мен "Астана" ойыншысы Макс Эбонг карьерасын Ресейде жалғастыруы мүмкін, деп хабарлайды Vesti.kz.
Эбонг биыл маусымды жақсы өткізді. Оның үстіне жартылай қорғаушы жас (22) және легионер емес. Оның "Астанамен" келісімшарты бар, дегенмен, клуб ұсыныстарды қарастыруға дайын. Ал оның орнына команда Асхат Тағыбергенді алуы ықтимал.
Өткен маусымда Эбонг "Астана" үшін Қазақстан чемпионатында 30 матч өткізіп, бес гол салды және сонша ассист жасады. Сонымен бірге, ел кубогінде төрт ойын (бір гол, екі ассист) және Конференция лигасында үш матч өткізді.
Transfermarkt футболшыны бір миллион еуроға бағалап отыр.