"Астана" Конференция лигасының үшінші іріктеу кезеңіне өтті, деп хабарлайды Vesti.kz.
Кишиневтегі жеңіс
Футболдан Қазақстанның алты дүркін чемпионы - "Астана" клубы Конференция лигасының үшінші іріктеу кезеңіне жолдама алды. Бұл жетістікке команда "Зимбруды" (Молдова) қарымта матчта 2:0 есебімен ұту арқылы жетіп отыр.
Бірінші таймда-ақ Джеффри Чинеду (18-минут) және Усман Камара (21-минут) мергендік танытып, жеңісті қамтамасыз етті.
Айта кетейік, алаң иелері матч барысында бірнеше қауіпті шабуылдар ұйымдастырғанымен, Григорий Бабаян шәкірттері сенімді ойын көрсетті және өз мүмкіндіктерін тиімді пайдаланды.
Алғашқы матч Астанада өтіп, 1:1 есебімен тең аяқталған болатын. Екі кездесудің қорытындысы бойынша "Астана" 3:1 есебімен келесі кезеңге өтті.
Келесі қарсылас - "Вардар" немесе "Лозанна"
Үшінші іріктеу кезеңінде "Астана" Солтүстік Македониялық "Вардар" мен Швейцариялық "Лозанна" арасындағы жеңімпазбен кездеседі. Қос матч 7 және 14 тамызда өтеді.
Жарнама