"Астананың" бұрынғы бапкері украиналық клубтың тізгінін ұстайды

56 жастағы украиналық маман Роман Григорчук украиналық "Колос" командасының бас бапкері атануы мүмкін, деп хабарлайды Sport24 порталы. 

Қазіргі уақытта "Колос" комнадасының басшысы Андрей Засуха мен Роман Григорчук арасында келіссөз сәтті өтуде. Сондықтан Григорчук бір екі күнде Ковалевка командасының бас бапкері атануы ықтимал. 

Еске салайық, Григорчук бұған дейін беларуссиялық "Шахтер-Солигорск" командасының бас бапкері болған еді. Бұл клубтан ол 2021 жылдың шілдесінде кетіп, сол уақыттан бері жұмыссыз жүр. 

Ал оған дейін украиналық маман 2018 бен 2020 жылдар аралығында елордалық "Астана" командасының бас бапкері болған. Григорчуктің бастамасымен "Астана" Қазақстан чемпионы атанып, ел Суперкубогін жеңіп алды.