"Астананың" бапкері болуы мүмкін деген маман анықталды

"Астана" командасынан кеткен Андрей Тихоновтың орнын басатын бапкердің есімі белгілі болды, деп жазады Серый CARDINAL телеграм-каналы. 

"Біз топшылағандай Андрей Тихонов "Астана" командасының бас бапкері қызметінен кетті. Екі жылдық шеттеу болмағанның өзінде ол қызметінен кететін еді.Қазір енді бос қалған бұл орынға талас басталды. Біздің қолда бар ақпарат бойынша, басты үміткер - "Каспийдің" бас жаттықтырушысы Срджан Благоевич. Одан бөлек Юрий Уткульбаев та бұл қызметткен үмітті. Соңғы маман бас бапкер болып тағайындалса таңғалмаймын", - деп жазады дереккөз. 

Айта кетейік, Тихоновтың кеткені туралы "Астана" командасы бүгін жариялады. Ал Уткульбаев болса соңғы рет 2016 жылы "Ақтөбе" командасын жаттықтырған.