Конференция лигасының топтық кезеңінің төртінші турында "Астана" мен "Балкани" мықтыны анықтай алмады, деп хабарлайды Vesti.kz.
"Астана Аренада" өткен кездесу 0:0 есебімен аяқталды.
Матчтың соңында шабуылдаушы жартылай қорғаушы Назми Грипши қапталдан "Астана" қақпасына қарай жүгіргенде, косоволық клубқа жеңіс әкелуі мүмкін еді, бірақ Йосип Чондрич оған гол соғуға мүмкіндік бермеді.
Екінші таймда алаң иелерінің бапкері Григорий Бабаян ойыншыларды ауыстырып, командасының ойынын "жан бітіруге" тырысқанымен, алаңға шыққан ойыншылардың қолынан ештеңе келмеді. Ал соңғы шабуыл сәтті болмады.
Осы тең ойыннан кейін командалар төрт ұпай жинады. "Астана" С квартетінде екінші орынға, ал "Балкани" үшінші орынға көтерілді. Ал "Виктория Пильзен" мен "Динамо Загреб" әзірге өз ойынын өткізген жоқ.
Бесінші турда 30 қарашада "Астана" - "Динамо Загреб", "Балкани" - "Виктория Пльзен" командалары ойнайды.