"Астана" клубы осы маусымдағы бюджетін жария етті

"Астана" ФК 2021 маусымдағы бюджетін жария етті, деп хабарлайды Vesti.kz.

Футбол клубы өз сайтында мәлімет жариялап, онда бюджет көлемі 15 миллиард деген ақпаратты жоққа шығарды. 

"Бірқатар БАҚ-та "Астана" клубының бюджеті 15 миллиард теңге деген ақпарат тарады.

Клуб бұл сомма асыра көрсетілгенін мәлімдейді: 2021 жылғы маусымдағы клуб бюджеті 5 миллиард теңге", - делінген хабарламада.

Еске салайық, 2021 жылғы маусымда "Астана" футболдан Қазақстан чемпионатының күміс жүлдегері атанды.