"Астана" Исламбек Қуатпен келісімшарт жасады

"Қазақстан құрамасының жартылай қорғаушысы Исламбек Қуат "Астана" клубымен келісімшартқа қол қойды", - деп хабарлайды Meta-ratings.kz.

Кей деректер бойынша, ойыншының командаға қосылуына бас бапкер Андрей Тихонов мүдделі  болған. Өткен сенбіде, яғни 13 наурыз күні, Исламбек "Химки" командасымен келісімін бұзған. 

"Астана" жақын арада ойыншымен келісімшартқа қол қойылғанын ресми хабарлайтын болады. 

Осы маусымда Исламбек "Химки" сапында алты матч өткізген. Аталған ойындар барысында ол бір рет сары қағаз алып, көрнекі ойын көрсете алған жоқ. 

Исламбек елордалық футбол түлегі. Ол ҚПЛ-да жартылай қорғаушы ретінде соңғы рет "Қайрат" сапында өнер көрсеткен. Ойыншының статистикасын мына сілтеме арқылы көре аласыздар.