Бүгін, 16 шілдеде футболдан Қазақстан кубогі топтық кезеңінің екінші турының бірінші ойындары өтеді, деп хабарлайды Vesti.kz.
19:00 бірден екі матч басталады. Қарағандыда жергілікті "Шахтер" петропавлдық "Қызыл-Жарды" қабылдайды, ал "Астана" өз алаңында "Ақтөбемен" ойнайды.
Соңғы ойын Қостанайда болады, мұнда "Тобыл" командасы "Атыраумен" кездесу өткізеді. Матчтің басталуы - 21:00-де.
Qazsport арнасы Нұр-Сұлтан мен Қостанайда өтетін ойындарды тікелей эфирде көрсетеді. Трансляцияны мына сілтеме арқылы тамашалауға болады.