"Астана" бірінші раундта белоруссиялық "Динамо-Брест" командасынан ұтылып, Чемпиондар лигасынан шығып қалды, - деп хабарлайды
Vesti.kz.
Бұл жұптың жеңімпазы Брест қаласында өткен бір ойында анықталды. Кездесу 6:3 есебімен белоруссиялық команда пайдасына аяқталды.
Бірінші тайм ортасында "Астана" қақпасына алты минутта үш гол салынды. 16 және 22-ші минутта "Тобыл" мен қарағандылық "Шахтердің" бұрынғы форварды, Қазақстан тумасы Михаил Гордейчук, ал 17-ші минутта қорғаушы Кирилл Печенин.
37-ші минутта "Динамо-Брест" сапынан Павел Седько астаналықтар қақпасына дәл соққы жасады. Ал "Астана" үзіліске дейін бір гол сала алды - хорватиялық хавбек Марин Томасов 45-ші минутта.
Екінші таймда, 53-ші минутта "Астананың румыниялық жартылай қорғаушысы Дорин Ротариу есепті екі де төрт қыла алды, алайда, бресттік команданың сенегалдық форварды Абдулай Диалло 55-ші минутта камбэкке деген үмітті үзді.
Матч соңына таман жағдай қайталанды. 88-ші минутта "Астана" сапынан Абзал Бейсебеков гол салды, бірақ, 90-шы минутта Диалло дубль жасады.