"Арсенал" қыста Өзіл мен Санчесті сататын болды

"Арсенал" клубының бас бапкері Арсен Венгер команданың көшбасшыларының (Месут Өзіл мен Алексис Санчес) болашағы туралы айтты, - деп хабарлайды "Чемпионат".

Чилилік пен неміс футболшысының келісімшарты 2018 жылы маусымда аяқталады. Қаңтардан бастап олар басқа командаға өту үшін келіссөздер жүргізуді бастайды. 

"Санчес пен Өзілге қатысты әзірге біз ешқандай шешім шығарған жоқпыз. Біз оларды қыста сатып жіберу жайында ойланып көреміз, бірақ бұл жағдайға байланысты.Мен осыған дейін де айтқан болатынмын, әр маусымның соңында біз басшылықпен ары қарай қандай жоспарлар құру керектігін ақылдасамыз", - деді Венгер beIN Sport телеарнасына берген сұхбатында. 

Осыған дейін Санчесті алғысы келетін клубтар қатары мынадай болды: "Бавария", "ПСЖ" және "Манчестер Сити", ал Өзілге "Манчестер Юнайтед қызығып отыр.