Футзалдан Қазақстан құрамасының ойыншысы Арнольд Кнауб "Каспий" командасына ауысты. Бұл туралы клубтың баспасөз қызметі хабарлап отыр.
Осыған дейін Кнауб "Динамо-Самара" футзал клубының сапында доп тепкен. Алайда ресейлік ұжым Ресей чемпионатында ойнаудан бас тартқандықтан Арнольд Кнаубқа жаңа команда іздеуге тура келді.
Еске салайық, Кнауб осыған дейін Қазақстан біріншілігінде "Ақтөбе", "Жетісу" және "Тұлпар" командаларында ойнады.