Германия футболының аңызы Лотар Маттеус 2026 жылғы әлем чемпионатының финалында Испанияға қарсы ойнаған Аргентина құрамасының өнеріне баға берді, деп хабарлайды Vesti.kz.
Мундиальдің шешуші кездесуінде Испания құрамасы қосымша уақытта 1:0 есебімен жеңіске жетті. Жеңіс голын 106-минутта Ферран Торрес соқты.
"Шынын айтсам, мен аргентиналық футболдың жанкүйерімін. Бірақ Оңтүстік Америка құрамасының әлем чемпионатының финалында көрсеткенін футбол деп айтуға еш келмейді.
"Испания футбол ойнағысы келді, ал Аргентина олай еткісі келмеді. Олар қорқақтап жүрді және футболда болмауы тиіс әрекеттер жасауға дейін түсіп кетті. Олар сорлы адамның ісін жасап, испаниялықтарға чемпиондық дәліз де ұйымдастырмады. Бұл менің көңілімді қатты қалдырды. Ұтылғанда көңіл түсіп кететтінін білемін, бірақ, бұл – лайықты жеңісімен әлем чемпионы атанған команданы құрметтеу мәселесі", – деп жазды Маттеус Sky Sport басылымындағы авторлық бағанында.
Еске салайық, Испания құрамасы өз тарихында екінші рет әлем чемпионы атанды. Бұған дейін испаниялықтар бұл атақты 2010 жылы Оңтүстік Африка Республикасында өткен әлем чемпионатында жеңіп алған еді.