Футболдан Аргентинаның бас бапкері Лионель Скалони құрамасының Қатардағы әлем чемпионатының бірінші кездесуінде неге ұтылғанын түсіндірді.
Бүгін Аргентина құрамасы алғашы кездесуін өткізіп, күтпеген жерден Сауд Арабиясынан 1:2 есебімен ұтылды.
"Біз Сауд Арабиясы қалай ойнайтынын білдік. Ойынға жақсы дайындалдық. Олар да қарап жүрмеген. Оффсайдтарды жақсы ұйымдастырды. Дегенмен бізде әлі алда екі матч бар. Енді сол ойындарға дайындаламыз", - деді Скалони ойыннан кейін.
Айта кетейік, Аргентина құрамасы енді келесі кездесуін 26 қараша күні Мексикаға қарсы өткізеді.