Аргентина құрамасы Литвада өтіп жатқан футзалдан әлем чемпионатының финалына шықты, деп хабарлайды Vesti.kz.
1/2 финалда аргентиналықтар Бразилия командасын 2:1 есебімен ұтты. Барлық голдар бірінші таймда салынды.
Константино Вапораки Аргентинаны 11-минутта алға шығарды. Ал Кристиан Борутто екі минуттан кейін есепті еселеді. Бразилия 17-минутта бір голмен ғана жауап бере алды, допты қарсылас қақпасына дәл бағыттаған Феррао болды.
Еске салайық, Аргентина қазіргі әлем чемпионы.
30 қыркүйектегі екінші жартылай финалда Қазақстан мен Португалия құрамалары кездеседі.