Аргентина және Колумбия құрамалары 2026 жылғы футболдан әлем чемпионатына іріктеу кезеңі аясында тең ойнады, деп хабарлайды Vesti.kz.
Буэнос-Айресте өтке матч 1:1 есебімен аяқталды. 24-минутта Луис Диас гол соқты, оған алаң иелері 81-минутта Тьяго Альманың дәл соққысымен жауап берді. Осы сәтте аргентиналықтар алаңда бір ойыншыға кем ойнап жатқан еді – Энцо Фернандес 70-минутта қызыл қағаз алды.
Аргентина құрамасының көшбасшысы Лионель Месси бастапқы құрамда алаңға шықты, бірақ 78-минутта алмастырылды.
Финалдық кезеңге жолдама алып қойған және топта бірінші орында тұрған Аргентина 35 ұпай жинады. Колумбия 22 ұпаймен алтыншы орында орналасқан.
Келесі матчті Аргентина 3 қыркүйекте Венесуэлаға қарсы өткізеді, ал Колумбия сол күні Боливиямен ойнайды.