Шотландиялық Алекс Фергюсон BBC нұсқасы бойынша Англия премьер-лигасы тарихындағы үздік бапкерлер рейтингінде бірінші орын алды, деп хабарлайды Vesti.kz.
Аңызға айналған маман Пеп Гвардиола мен Арсен Венгерден озып, тізімнің көшін бастады. Гвардиола екінші, ал Венгер үшінші орынға жайғасты.
АПЛ тарихындағы үздік 10 бапкер:Алекс Фергюсон ("Манчестер Юнайтед")
Пеп Гвардиола ("Манчестер Сити")
Арсен Венгер ("Арсенал")
Жозе Моуринью ("Челси", "Манчестер Юнайтед")
Юрген Клопп ("Ливерпуль")
Клаудио Раньери ("Челси", "Лестер", "Фулхэм", "Уотфорд")
Кенни Далглиш ("Ливерпуль", "Блэкберн", "Ньюкасл")
Роберто Манчини ("Манчестер Сити")
Микель Артета ("Арсенал")
Карло Анчелотти ("Челси", "Эвертон")
Фергюсонның АПЛ-дегі жетістіктері
Фергюсон 1986-2013 жылдар аралығында "Манчестер Юнайтедті" басқарды. 1992 жылы Премьер-лига құрылғаннан кейін шотландиялық маман манкуниандықтарды 13 рет чемпиондыққа жеткізді. Оның ішінде турнирдің алғашқы маусымындағы - 1992/93 жылғы чемпиондық та бар.
Фергюсонның ең үлкен жетістіктерінің бірі 1998/99 жылғы маусым. Сол кезде "Манчестер Юнайтед" Англия чемпионатын, Англия Кубогын және Чемпиондар лигасын жеңіп, требл жасады.
Шотландиялық маман карьерасын 2012/13 жылғы маусымнан кейін аяқтады. Бұл маусымда ол "Манчестер Юнайтедті" соңғы рет Англия чемпионы атандырды.