АПЛ-ге оралған Жозе Моуринью Чемпиондар лигасы финалистін жаттықтырады

Португалиялық маман Жозе Моуринью "Тоттенхэмнің" басбапкері болып тағайындалды. Бұл туралы клубтың ресми сайтында хабарланған. 

Бұл қызметте ол Маурисио Почеттино орнына келді. Англиялық клуб пен Моуринью арасындағы келісімшарт 2022/23 маусымына дейін есептелген. 

ВeIN Sports журналисті Танкреди Палмеридің ақпаратынша, Моуринью өзінің адынад Почеттино алған айлыққа келіскен (жылына 13 миллион еуро шамасында). Ал "Манчестер Юнайтедте" португалиялық 20 миллион төленетін еді.

Моуринью соңғы рет "МЮ" комадасын жаттықтырған. Португалиялық англиялық клубтан 2018 жылы желтоқсанда кетті. Мұның алдында ол екі рет "Челси" клубын жаттықтырған және үш рет (2005, 2006, 2015) Англия премьер-лигасының чемпионы еткен.