Британиялық The Standard таблоиды Чемпиондар лигасының жалпы кезеңіндегі сегізінші, соңғы туры аясында өтетін "Арсенал" - "Қайрат" матчына болжамын жариялады, деп хабарлайды Vesti.kz.
"Арсенал" — "Қайрат": матч қашан және қайда өтедіКомандалар арасындағы кездесу 29 қаңтарға қараған түні Лондондағы "Эмирейтс" стадионында өтеді. "Арсенал" Чемпиондар лигасының жалпы кестесінде көш бастап тұр және 1/8 финалға шығуын алдын ала қамтамасыз етті, ал "Қайрат" плей-офф кезеңіне шығу мүмкіндігінен айырылған.
The Standard басылымы алдағы кездесу "зеңбірекшілер" үшін аса қиын болмайтынына сенімді.
"Қайраттың" Чемпиондар лигасындағы жолы"Арсенал" Чемпиондар лигасындағы жеті турдан кейін небәрі бір ұпай жинап, турнир кестесінің соңында тұрған "Қайратты" оңай жеңуі тиіс.
Бұл матч ойын тәжірибесі жетіспейтін футболшылар үшін Микель Артетаның алдында өздерін көрсетуге жақсы мүмкіндік. Әсіресе бағасы 65 миллион фунт болатын жартылай қорғаушы Эберечи Эзеге қатысты.
Бұл қазіргі таңда Еуропадағы ең мықты команда мен Чемпиондар лигасындағы ең әлсіз клуб арасындағы ойын, сондықтан бұл есепке де әсер етуі керек.
Болжам: "Арсенал" 4:0 есебімен жеңіске жетеді", - делінген мақалада.
Еске салайық, алматылық клуб өз тарихында алғаш рет Чемпиондар лигасының негізгі кезеңіне жетті.
Жеті матчта "Қайрат" "Пафоспен" өткен ойында бір ұпай еншілеп, алты рет жеңіліске ұшырады. Алматылық клуб мадридтік "Реалдан", "Спортингтен", "Интерден", "Копенгагеннен", "Олимпиакостан" және "Брюггеден" ұтылды.