Англия құрамасының бұрынғы бас жаттықтырушысы қайтыс болды

Футболдан Англия құрамасының бұрынғы бас жаттықтырушысы Свен-Йоран Эрикссон 76 жасында қайтыс болды. Ол өмірінің соңында ұйқы безінің қатерлі ісігімен ауырған еді. 

Свен-Йоран Эрикссон мансабының бір бөлігінде ұлттық құрамаларды жаттықтырды. Англия құрамасын жаттықтырған алғашқы шетелдік маман болды. Мексика, Кот-д'Ивуар және Филиппин құрамаларын жаттықтырды.

Клубтық деңгейде "Рома", "Лацио", "Фиорентина", "Сампдория", "Бенфика", "Манчестер Сити", "Лестер Сити" және "Шанхай Сипг" сынды клубтарды жаттықтырды. Бірнеше клубта спорттық директор қызметін атқарды.