Англия құрамасы бірден 5 ойыншыдан айырылды: Тухель жедел шешім қабылдады

Англия құрамасы УЕФА Ұлттар лигасы матчтары алдында айтулы кадрлық шығынға ұшырады, деп хабарлайды Vesti.kz.

Англия ұлттық құрамасының баспасөз қызметі бес футболшының жарақатына байланысты командадан кеткенін мәлімдеді.

Өтінімге Коул Палмер, Деклан Райс, Маркус Рэшфорд, Кобби Майну және Валентино Ливраменто енбеді. "Үш арыстанның" бас бапкері Томас Тухель олардың орнына жаңа ойыншыларды шақырды. Құрама сапына "Эвертон" жартылай қорғаушысы Джеймс Гарнер мен "Ноттингем Форест" хавбегі Морган Гиббс-Уайт қосылды.

Tino Livramento, Kobbie Mainoo, Cole Palmer, Marcus Rashford and Declan Rice have all been ruled of our forthcoming UEFA Nations League fixtures.

James Garner and Morgan Gibbs-White have subsequently been called up and will join up with the rest of the squad on Tuesday.

— England (@England) September 21, 2026

Англия құрамасы төрт матч өткізеді

Қыркүйек және қазан айларында ағылшындар Ұлттар лигасында төрт матч өткізеді. 26 қыркүйекте Англия Испаниямен кездессе, 29 қыркүйек пен 6 қазанда Чехияға қарсы ойнайды. Ал 3 қазанда Хорватия құрамасымен матч өткізеді.