Бразилия құрамасында бас бапкер Карло Анчелоттидің Неймарды алдағы матчтарға шақырмау туралы шешімі шиеленіс тудырып жіберді, деп хабарлайды Vesti.kz.
El Nacional мәліметінше, бұл жағдай команда ішінде түрлі пікір тудырған. Кейбір ойыншылар үшін Неймар әлі де құраманың негізгі тұлғасы саналады және ұзақ уақыт бойы ойын соның айналасында құрылған.
Нәтижесінде, пікір екіге бөлінді: бір топ құрамды жаңарту мен Анчелоттидің бағытын қолдаса, екінші топ бұрынғыдай Неймарға арқа сүйеуді жөн көреді.
Дереккөзге сәйкес, футболшының өзі бұл шешімді ауыр қабылдаған. Ұзақ уақыттық жарақаттан кейін ол ұлттық құрамаға қайта оралып, маңызды рөл атқарамын деп үміттенген. Әсіресе, алдағы әлем чемпионаты оның карьерасындағы соңғы болуы мүмкін.
Осы жағдайда "Барселона" вингері Рафинья назарда тұр. Ол бейресми көшбасшы рөлін өз мойнына алып, команданың ішкі тепе-теңдігін сақтауға және шиеленісті жұмсартуға тырысуда.
Еске салайық, 26 наурыз күні бес дүркін әлем чемпиондары Франциямен жолдастық матч өткізеді, ал 1 сәуірде Хорватия құрамасымен ойнайды.
Жарнама