"Пари Сен-Жермен" Франция құрамасының шабуылшысы Усман Дембеленің болашағына қатысты шешім қабылдады, деп хабарлайды Vesti.kz.
ПСЖ Дембелені сапында қалдырғысы келеді
Журналист Фабрис Хокинстің мәліметінше, париждік клубтың басшылығы Дембелеге келісімшартын тағы бір немесе екі жылға ұзартуды ұсынып отыр. Егер тараптар ортақ келісімге келсе, 29 жастағы шабуылшы командада 2029 немесе 2030 жылға дейін қалады.
Тараптар арасындағы келіссөз бірнеше айдан бері жалғасып келеді. Алайда ПСЖ Дембеленің болашағына байланысты алаңдаушылық танытып отырған жоқ. Себебі клуб та, футболшының өзі де ынтымақтастықты жалғастыруға мүдделі.
Келіссөздер қазіргі трансферлік кезең аяқталғаннан кейін қайта жалғасады деп күтілуде. Шабуылшының ПСЖ-мен жасасқан қазіргі келісімшарты 2028 жылдың 30 маусымына дейін жарамды.
Шабуыл көшбасшысы және "Алтын доп" иегері
Дембеле ПСЖ-ға 2023 жылдың жазында "Барселонадан" 50 миллион еуроға ауысты. Париждегі кезеңінде франциялық футболшы команданың негізгі ойыншыларының біріне және шабуыл шебінің көшбасшысына айналды.
2025 жылы Дембеле ПСЖ-ға тарихи требл жасауға көмектесті. Париждік клуб сол маусымда Чемпиондар лигасын, Франция чемпионатын және Франция кубогын жеңіп алды. Сол жылдың қорытындысы бойынша шабуылшы әлем футболындағы ең беделді жеке марапат – "Алтын допқа" ие болды.
2026 жылы ПСЖ тағы да Чемпиондар лигасын жеңіп, Францияның 14 дүркін чемпионы атанды. Дембеле Париж клубының басты тұлғаларының бірі болып қала бермек. Сондықтан клуб басшылығы оның алдағы жылдары командадан кетуіне жол бергісі келмейді.
Жарнама