"Алтын доп" 2021 иегері анықталды

Аргентина құрамасының капитаны Лионель Месси 2021 жылдың нәтижесі бойынша "Алтын доп" иегері атанды, деп жазады Vesti.kz тілшісі.

Париждің "Шатле" театрында өткен марапаттау рәсімінде "ПСЖ" шабуылшысы жылдың ең үздік ойыншысы номинациясында жеңіске жетті. Осылайша, Месси карьерасында "Алтын допты" жетінші мәрте иеленіп отыр.

Ол биыл 56 матчта алаңға шығып, 41 гол соққан. Сонымен қатар, 17 рет ассист жасады. "Барселонамен" Испания Кубогін және Аргентина құрамасымен бірге Америка Кубогін жеңіп алды.