"Зениттің" бас бапкері Сергей Семак маусым қорытындысы бойынша Ресей чемпионатының үздік бапкері атанды, деп хабарлайды Vesti.kz тілшісі.
"Зенит" 2021-22 жылғы біріншілікте Ресей чемпионы атанды. Ал Семак қатарынан үшінші жыл үздік бапкерге берілетін номинацияны жеңіп отыр.
Семак 2018 жылдан бері питерлік клубты жаттықтырып, Ресей чемпионатында қатарынан төрт рет топ жарды. Сонымен қатар, бір рет Ресей Кубогін және екі рет Суперкубокті жеңді.
Еске салайық, Қазақстан құрамасының қорғаушысы Нұралы Әліп 2022 жылдың ақпан айынан бастап "Зенит" сапында ойнайды. "Қайрат" қорғаушысы ресейлік клубта жыл соңына дейін жалға алынған.