Мадридтік "Реал" клубының бас бапкері Хаби Алонсо қысқы трансферлік кезең басталар алды негізгі құрамдағы бес футболшыдан бас тартып отыр, деп хабарлайды Vesti.kz.
Алонсо жоспарына кірмеген бес ойыншыБаск маманының "корольдік клубтағы" дебюттік маусымы оңай өтіп жатқан жоқ. Don Balon хабарлауынша, 16 ресми матчтан кейін бапкер ішкі "қара тізімді" жасап, оған испаниялық Фран және Гонсало Гарсия, ағылшын қорғаушысы Трент Александер-Арнолд, бразилиялық шабуылшы Эндрик Фелипе және неміс футболшысы Антонио Рюдигер енгізді. Бұл ойыншылардың әрқайсысы орта есеппен матч сайын шамамен 15 минут ойнап жүр, бұл бапкердің толық сенімсіздігін айқын көрсетеді.
Әсіресе, Александер-Арнолдтың жағдайы таңқаларлық - ол клубтың жазда жасалған маңызды трансферлерінің бірі болғанына қарамастан, әлсіз бастама және жиі жарақаттар ағылшын қорғаушысының позициясын қатты нашарлатты.
Сол қапталда Фран Гарсия өз орнын тағы бір жаңа ойыншы - Альваро Каррерасқа босатып берді.
Шабуылда франциялық форвард Килиан Мбаппенің басты рөлі басқа шабуылшыларды көлеңкеде қалдырып отыр. Әсіресе Эндрик қиын жағдайға түсті - бразилиялық шабуылшы Алонсо жоспарынан іс жүзінде толық шығарылды және қыста клубтан кетуге дайын.
Рюдигердің болашағы күмәндіАнтонио Рюдигердің әрі қарайғы мансабы күмән тудырады. Көшбасшы қорғаушының келісімшарты жазда аяқталады, ал клуб, дереккөз мәліметінше, оған жаңа келісім ұсынуды жоспарлап отырған жоқ. Себеп - физикалық қиындықтар және күрделі мінез.
Енді тек клуб басшылығының шешімін күту ғана қалды: не Рюдигер өз құндылығын дәлелдейді, не оның Мадридтегі кезеңі аяқталуға жақын.